U përplas për vdekje nga ambulanca në Kakavijë, babai i 10 vjeçarit rrëfen detaje tronditëse: E pashë me sytë e mi! Makina e hodhi djalin 30 metra tutje, më pas e shtypi me të dyja rrotat
Babai i 10 vjeçarit Samuel Ndoj që vdiq pasi u shtyp nga ambulanca në Kakavijë, ndërsa ishte në pritje për të kaluar kufirin grek, ka treguar gjithçka ka parë nga kjo tragjedi që tronditi familjen.
Ai thotë se e ka parë me sy kur ambulanca e ka shtypur të birin, e ka hedhur 30 metra larg dhe më pas ka shkelur me të dyja rrotat e krahut të majtë mbi vogëlushin.
Babai shton se ambulanca ka qenë me shpejtësi të madhe dhe se djali i tij kishte zbritur nga makina prej vapës dhe në momentin që është përplasur për vdekje ka qenë në vijën ndarëse të rrugës.
Rrëfimi i babait të 10 vjeçarit në emisionin “Me zemër të Hapur”:
Më datë 14 jemi nis nga Lezha.
Nga momenti tragjik mbaj mend që çuni ishte përbri makinës dhe vinte një ambulancë me shpejtësi të madhe dhe në momentin që e kam parë ambulancën mund të ketë qenë larg, goxha larg, dhe s’kam arrit as të thirr çunin, t’ja nxjerr emrin nga goja e ti them mos lëviz dhe rri atje.
Pasi e goditi dhe e gjuajti 30 metra larg e shtypi me të dyja rrotat e krahut të majtë, rrotat mbi çunin.
Ku ishte djali:
Po të gjithë njerëzit ishin jashtë makinave për shkak të vapës. Neve po rrinim, fëmijet filluan të lexonin rrugës, për të kaluar orën. Ato hynë në makinë dhe lexonin libra, kur një moment çuni kishte dalë nga makina dhe po rrinte jashtë makinës. Ai ka qenë në vijën ndarëse të rrugës ku po udhëtonte ambulanca. Djali ka qenë në vijën ndarëse nga makina ime.
Çdo gjë e kemi parë me sytë tonë. Unë nuk e vërtetoj këtë gjë. Njerëzit thonë se nuk kishte të sëmurë brenda. Njerëzit thonë se merrte njerëz brenda dhe i nxirrte në doganë. Unë se vërtetoj dot këtë veprim si kam parë me sytë e mi a kishte apo skishte njerëz brenda ambulanca.
Shoferi ka zbritur, unë se kam parasysh, nuk e di kush ishte. Nese ishte ai që e çoi çunin te spitali apo ishte tjetër.
