Gjykata ka vendosur të zbusë masën ndaj Kajmakut duke vendosur “detyrim paraqitje” me kërkesë të prokurores së çeshtjes, Arta Marku e cila më herët ka mbajtur postin e kryeprokurores.
Kajmaku u arrestua dy ditë më parë por sot, pas 48 orësh, do shijojë lirinë dhe sipas argumentit të Apelit, tanimë “kanë ndryshuar rrethanat”, referuar kështu gjendjes shëndetësore të ish-kryetarit të Bashkisë së Vorës.
Dy ditë më parë, ish-kryebashkiaku kishte shkuar në një spital privat pasi ishte në gjendje të rëndë për shkak se vuan nga diabeti, ndërsa kanë qenë mjekët që kanë lajmëruar policinë, duke bërë të mundur arrestimin e tij pas disa muajve në kërkim.
