Nga Arber DALMATI –
Praktikat e fshehjes së ngjarjeve kriminale nga komunikatat ditore të Policisë së Shtetit janë aq të përditëshme sa duket se kjo është një formë e legjitimuar nga vetë drejtoritë e komisariatet e policive në të 12 qarqet.
Edhe pse denoncimet janë të shpeshta dhe ankesat shumë e shumë herë të shtuara, përsëri drejtuedsit e Policisë së Shtetit me arogancën e tipit ushtarak jo vetëm që e injorojnë këtë detyrim për informim të opinionit publik, por në mënyrë flagrante shkelin dhe ligjin.
Nuk ka asnjë sqarim e as kritik publike, as nga ministri “Gjeneral” Lleshi e as nga drejtori I Përgjithshëm, ushtaraku Veliu.
Tre ditë më parë u publikua nga mediat online ngjarja e ndodhur në fshatin Goricë e Poshtme, në Bulqizë, ku 4 persona të maskuar e të armatosur kanë dhunuar një 25 vjeçar në një nga lokalet e fshatit. Dhuna ka qenë e ashpër, aq sa banorë të ndodhur në vendngjarje e kanë transportuar viktimën në gjendje të rendë shëndetësore drejt spitalit të Dibrës. Edhe pse kanë qenë të pranishëm gati 20 qytetarë, Policia lokale e ka fshehur për tre ditë rresht atë.
Ky episode i rendë dhune nuk është përfshirë në asnjë komunikatë zyrtare policie edhe pse ka shokuar banorët e kësaj zone.
Të tilla ngjarje injorohen dhe nuk shenohen pothuajse përditë në territorin e vendit nga Policia. Kjo “shuarje” i shërben ministrit Lleshi dhe drejtorit të çuditshëm Veliu për tu vetëmburur në propagandën e tyre se krimi në raport me një vit më parë ka renie. Mekanizmat policore të shuarjes së informacionit konkret dhe shmangies nga raportimi zyrtar i episodeve ditore janë jo vetëm antiligjore por gati një krim shtetëror. Do të ishte në nderin e organizatave dhe operatorëve që monitorojnë realitetin kriminal në Shqipërui të ofrojnë raportime denoncuese për këto praktike antiligjore dhe mafioze të krerëve të lartë të Policisë së Shtetit dhe strukturave të komunduara policore në vend. Dicka e tillë vlen si një detyrë e kryer ndaj denoncimit të krimit real dhe manipulimit zyrtar për mbulimin e tij. /
