Ministri për Rindërtim, Arben Ahmetaj i është “përveshur” sërish punës në terren. Këtë herë nuk ka marrë lopatën, e as nuk është “zhytyr” në llaç, por ka ngulur vetëm një goxhdë me sqepar. Këtë veprim, të përsëritur ministri e bëri në një banesë që po ndërohet në Maminas, e cila u dëmtua nga tërmeti i 26 nëntorit.
Pasi, nguli goxhdën, iu morr edhe fryma nga “lodhja e punës”, por gjithsesi nuk ndaloi. Ai dhe tek e moshuara çoi edhe porosinë e kryeministrit, se ky i fundit do të vijë më 15 shtator për t’i dhënë çelësat e banesës së re.
Biseda:
Ahmetaj: Unë do të premtoj në sy datën që do të hysh në shtëpi. Elton premtoi nënës datën që do të hyjë në shtëpi.
Eltoni: Brenda datës 15 shtator nëna hyn në shtëpi.
Ahmetaj: Nëne kryeministri më tha, që ka qejf kur të bëhet shtëpia, të t’i sjellë vetë çelësat e shtëpisë.
E moshuara: Shumë faleminderit, gëzohem.
Ahmetaj pasi ngul gozhdën: Ja t’i vejë mbarë, ta gëzojë e të jetë mirë dhe për ju puna mbarë.
