Kim e qeshur ‘vesh më vesh’ pas takimit me Ademin: Takova një mike. Mesazhet e forta: Gjyqtarëve të SPAK po u bëhet presion! Përshëndes arrestimet e fundit
Ambasadorja e SHBA Yuri Kim, ka dalë e qeshur nga takimi me kryetaren e Bashkisë së Shkodrës Voltana Ademi, të cilën e ka cilësuar një mike dhe më pas e ka falenderuar për mikritjen.
E pyetur për situatën politike në vend dhe për Gjykatën Kushtetuese, Kim ka dhënë mesazhe të forta.
Ajo ka theksuar se gjyqtarëve të SPAK po u bëhet presion, ndërsa prerazi ka theksuar se Gjykata Kushtetuese duhet të formohet deri në fund të vitit.
E pyetur për arresimet e fundit, ku ishte e përfshirë edhe gjyqtarja Mimoza Margjeka e cila akuzohet për korrupsion, Kim ka thënë se përshëndet çdo vendim të SPAK.
Deklarata e Kim:
Folëm për rëndësinë e pjesëmarrjes politike dhe rëndësinë që udhëheqësit duhet të lënë mënjanë ndasitë politike dhe të bashkohen për një kauzë të përbashkët. Gjithashtu që të rinjtë nuk duhet ta humbasin shpresën. Do të jem këtu për dy ditë pres me kënaqësi që të vizitoj katedralen. Përveç mikes sime të vjetër kam bërë një mike të re.
Më duket sikur takova një mike. Faleminderit që më bëtë të ndihem kaq e mirëpritur. Kam një përgjegjësi të cilës nuk mund ti largohem. Mendoj që është një lajm shumë i mirë që palët politike brenda dhe jashtë të mund të mblidhen së bashku për të diskututar për çfështje që mund të bien dakord.
Jam e sigurt që në fund do arrihet një kompromis për popullin shqiptar.
Gjykata kushtetuese:
Shqipëria ka qenë pa një gjykatë kushtetuese për një kohë të gjatë. Kjo nuk është një situatë e pranueshme për një vend anëtar të Natos dhe që aspiron BE. Sikurse e kam thënë opinioni i Komisionit të Venecias ofron mundësi për të ecur përpara. Kemi qenë të kënaqur që edhe Ruçi ka rënë dakrod që deri në fund të vitit duhet të ngrihet gjykata.
Arrestimet e fundit:
Është një gjë e mire dhe ka ardhur koha që SPAK të jetë plotësisht fuksional. Ne po e shohim që disa janë përpjekur ti pengojnë në punën e tyre dhe të intimidojnë prokurorët e gjykatësit.
Apeli për palët politike:
Le të shikojmë se si do të funksionojë.
Mendoj që ligjet e Shqipërisë janë shumë të qarta dhe kushdo që e ka marrë atë letër e di se për çfarë jam duke folur. Ju falenderoj për mikritjen e ngrohtë.
