Ish-deputetja e PD, Albana Vokshi deklaroi se shifrat reale të víktimave nga koronavirusi janë më të larta.
Sipas saj, kryeministri shfrytëzoi situatën e pandemisë për të grumbulluar më shumë pushtet dhe kurba u përgatit në zyrat e tij pa patur një bazë reale të statistikave.
“Pandemia është shfrytëzuar nga Edi Rama, për të mbledhur dhe grumbulluar më shumë pushtet në duart e tij, ndaj edhe kurba e të prekurve në Shqipëri është pa sens, pa logjikë, e vetmja kurbë e cila nuk mund të lexohet nga askush, eshtë një kurbë e përgatitur në zyren e Ramës, sepse ashtu do ti shërbej atij, ai është munduar të krijojë një situatë sureale në mendjen dhe kokën e shqiptarëve, në mënyrë që të shfrytzonte këtët situatë në duart e tij. Kjo kurbë nuk ka sens, sepse nuk ka një bazë statistikore reale”, tha Vokshi në një intervistë për emisionin “Në fokus”.
Deri tani, numri i viktímave në vendin tonë ka arritur në 33, por Vokshi shprehet se nuk është vërtetë kjo shifër. Ish-deputetja thekson se PD ka fakte që janë shumë raste, të cilat nuk janë raportuar nga qeveria, shkruan fax web.
“Unë nuk besoj në shifrat e MSH, pasi Rama, i përdor për qëllimet e veta. Edhe lidhur me raportimet e rasteve të vdékjes ka pasur shumë të pavërteta.
