Aktorja e “Mimoza Llastica” dhuron respiratorë te “Shefqet Ndroqi” për të infektuarit me Covid-19.
Aktorja shqiptare, Zhaklina Dhimojani Blättler, e cila njihet me rolin e saj te filmi “Mimoza Llastica”, ka dhuruar përmes ambasadës shqiptare në Bern disa respiratorë për spitalin ‘’Shefqet Ndroqi’’ për pacientët e infektuar me Covid-19.
Ambasada e Shqipërisë në Bern i ka shprehur mirënjohje aktores për gjestin e saj, e cila edhe pse u largua nga Shqipëria për të jetuar në Zvicër në vitet 90-të, ende vijon të kontribuojë për vendin e saj.
“Ambasada e RSH në Bernë i shpreh falenderime dhe mirënjohje Z. Blättler, që gjatë këtyre viteve në Zvicër ka dhënë ndihmën e saj në fushën sociale, ka promovuar artin dhe kulturën tonë në Diasporë dhe ka kontribuar me donacione të ndryshme për Bashkinë e qytetit të Himarës, prej nga ajo ka origjinën”, thuhet në mesazhin e ambasadës.
