Krerët e Serbisë dhe Kosovës nënshkruan një marrëveshje me Presidentin e SHBA-së Donald Trump në zyrën Ovale në Shtëpinë e Bardhë.
Vetëm pak para se të nënshkruhej kontrata historike Presidenti i Serbisë bëri një bisedë të shkurtër më homologun e tij amerikan ku dhe kanë folur rreth botës së futbollit.
Sipas mediave serbe, Trump i ka thënë Vuçiçit se Serbia ka një tenist të mirë, duke lënë të nënkuptohej se e ka fjalën për Novak Gjokoviç, e ndërkohë presidenti serb iu është përgjigjur me krenari : Zyrtarisht më i miri në botë, duke shtuar: Ne gjithashtu kemi basketbollistë të shkëlqyeshëm në kampionatin NBA.
Pas kësaj nuk ka nguruar dhe Trump i cili në formë shakaje i ka thënë për futbollistët: A janë ata aq të gjatë sa ti apo edhe më të gjatë.
Ndërkohë ditën e sotme Pas dy ditësh takime, u arrit marrëveshja mes Kosovës dhe Serbisë. Me ndërmjetësimin e Donald Trump, Kosova dhe Serbia, firmosën veç e veç në Shtëpinë e Bardhë për Normalizimin Ekonomik. Pas kësaj marrëveshje kanë pasuar edhe reagime të shumta. Hoti është shprehur se të hënën do të zhvillojë një takim me Vuçic, dhe se kjo nuk është përfundimtarja. Haradinaj dhe Mustafa përcollën urimet e tyre për këtë marrëveshje, ndërsa të njëjtën gjë bëri edhe kryeministri Edi Rama. Po ashtu marrëveshjen e kanë përshëndetur edhe presidenti i Shqipërisë Ilir Meta dhe kryedemokrati Lulëzim Basha./newsalbania.al
