Të gjithë ata që udhëtojnë me autobusë, trena apo tramvai duhet të vendosin maskë. Shumica e pasagjerëve po ndërmarrin këtë veprim si masë parandaluese kundër coronavirusit.
Por a e dini që shoferët e këtyre mjeteve nuk janë të detyruar ta bëjnë një gjë të tillë.
Zvicra është një nga vendet e rralla që i pati rezistuar mirë COVID-19, por tani që rastet janë shtuar, është detyrim vendosja e maskave.
Që nga sot çdo pasagjer që udhëton me transport publik detyrohet te përdorë masat mbrojtëse për të parandaluar një valë të dytë të COVID-19.
Por shumica e pasagjerëve janë habitur me veprimet e shoferëve. Kjo për shkak se ata nuk bartnin maskë mbrojtëse. Qytetarë të shumtë e kanë kontaktuar Blick për të mësuar se pse një gjë e tillë ndodhë – dhe në fund rezultoi se ata janë të liruar nga ky obligim.
Gjithçka ndodh për shkak se atyre mund t’iu avullohen syzet derisa janë prapa timonit dhe nuk mund të marrin frymë lirshëm, që e rrit rrezikun për shpërqendrim dhe ndonjë aksident të mundshëm. Vlen të theksohet që ulëset e para në çdo autobus janë të bllokuara, kështu shoferët kanë mjaftueshëm distancë nga pasagjerët.
Por, mbajtja e maskës është opsionale, ata shoferë që dëshirojnë mund ta mbajnë. Perg: DdVm
