“Zonat që kishin probleme me ujin, tani do ta kenë 24 orë”- Rama: Jemi gati të rinisim projektin për…

Kryeministri Edi Rama nga Bovilla ka dhënë lajmin e të gjithë qytetarët e Tiranës, në disa zona problematike, që kanë pasur probleme me furnizimin me ujë tashmë do t’a kenë atë 24 orë.
Po ashtu Rama njoftoi se është gati edhe projekti për filtrimin e ujërave të zeza në Bashkinë Tiranë.
“Sot jemi në kushtet kur në së bashku me Bashkinë e Tiranës, mund të rinisim projektin e filtrimit të ujërave të zeza. Një projekt i nisur shumë kohë më parë, por i mbetur jo rrugëve, por mbetën të pafiltruara në llumin e keqqeverisjes për shumë e shumë vite. Kjo krijoji problem të mëdha me projektin, financimin, partnerin, qeverinë japoneze. Marrëveshjen me qeverinë japoneze për filtrimin e ujërave të zeza e ka bërë Bashkia Tiranë, kur unë isha kryetar Bashkie dhe Bashkim Fino, ministër.
Ka kaluar shumë kohë. Ka një kohë të gjatë të humbur, që ne e kemi trashëguar si barrë për shkak se tjetër është të ndërtosh nga e para dhe tjetër është të ndërtosh, pasi më parë të duhet të rregullosh çka të tjerët kanë ndërtuar sprapthi.
Rëndësi ka që sot ne mund t’i themi qytetarëve të Tiranës që me shumë të drejtë kanë akumuluar mërzi, inat për shkak të ujit në zona të ndryshme që faktikisht nga sot në të gjitha ato pika ku deri dje ishte problem do të kenë 24 orë ujë”, tha Rama.