Zjarret: Foto prekëse, një e moshuar në Greqi sheh si i digjet shtëpia e saj

Ndër fotot më prekëse të zjarreve në Greqi është edhe kjo e një banoreje që shikon shtëpinë e saj të digjet në fshatin Gouves, në ishullin Evia. Mijëra banorë u evakuuan nga ishulli me anije. Për herë të parë që nga fillimi i krizës së rëndë, kryeministri grek ka pranuar se nuk ka arritur t’i menaxhojë zjarret që po shkatërrojnë Greqinë. “Ne mund të kemi bërë atë që ishte e mundur nga ana njerëzore, por në shumë raste nuk ishte e mjaftueshme. Unë e kuptoj plotësisht dhimbjen e bashkëqytetarëve tanë që kanë parë shtëpitë ose pronat e tyre të digjen. Por, tha kryeministri, vendi po përballet me një fatkeqësi natyrore të përmasave të papara.”