Inspektoriati Shtetëror Shëndetësor ka vendosur 11 masa administrative pas 1454 kontrolleve të kryera për respektim të masave anti-covid.
Mes tyre janë gjobitur edhe tre qytetarë të cilët janë konstatuar pa maskë në ambiente të mbyllura, ndërsa janë gjobitur 4 biznese për shkelje të protokolleve.
Ndërkohë 3 aktivitete janë pezulluar për një periudhë të pacaktuar kohore pasi janë kapur në shkeljë të përsëritur të protokollit të sigurisë.
“Inspektoriati Shtetëror Shëndetësor me grupet e tjera të Task-Forcës anti-Covid, realizuan 1454 kontrolle dhe monitorime për masat ndaj Covid-19 në 24 orët e fundit.
Janë vendosur 11 masa administrative:
▪4 masa me gjobë në bar, kafe, restorant, market, subjekte të gjetura në shkelje të protokolleve;
▪4 masa me gjobë ndaj individëve për mosmbajtje të maskës;
▪3 vendime për pezullim të aktivitetit.
Ministria e Shëndetësisë dhe Mbrojtjes Sociale fton qytetarët dhe subjektet të tregohen të kujdesshëm, duke respektuar vendimin për maskën e detyrueshme në ambientet e mbyllura dhe protokollet e sigurisë.
MSHMS apel për zbatimin e vendimit të ri për mbylljen e klubeve të natës, diskove dhe ndalimin e muzikës pas orës 20:00″, thuhet në njoftim.
