Një ditë më parë Policia e Kosovës, Sektori Qendror për Hetimin e Trafikimit me Qenie Njerëzore dhe Drejtoria për Migrim dhe të Huaj, të mbështetur nga zyrtarë të Qendrës për Punë Sociale në Prishtinë kanë kryer një operacion në kryeqytet ku kanë zbuluar trafikim të qenieve njerëzore.
Sipas policisë së Kosovës raportohet se me urdhër të gjykatës kanë kontrolluar dy shtëpi në Prishtinë, me qëllim verifikimin e informacioneve se në ato shtëpi qëndrojnë disa shtetas të huaj, të cilët mund të ishin viktima potenciale të trafikimit të qenieve njerëzore.
Nga njoftimi i policisë mësohet se 26 personat, mes tyre 13 fëmijë janë me nënshtetësi shqiptare. Ndërsa deri më tani është arrestuar vetëm një person, i dyshuar për përfshirje në veprën penale ‘bashkësia jashtëmartesore me personin nën moshën.’
Më tej policia ka bërë të ditur se 21-vjeçari i arrestuar është nga Shqipëria, i cili në Prishtinë bashkëjetonte me një 13-vjeçare greke.
“Policia, në ato dy lokacione ka hasur në 26 persona, prej tyre 13 fëmijë, të cilët ishin kryesisht në lidhje familjare dhe vinin nga Shqipëria.”- thuhet në njoftim.
