Zbardhet vendimi i Kushtetueses për përplasjen Rama-Meta: Kompetencat janë të ndara…
Këtë të premte, Gjykata Kushtetuese ka zbardhur vendimin e plotë që lidhet me mosdekretimin e Gent Cakajt në krye të Ministrisë për Europën dhe Punët e Jashtme nga ana e presidentit Meta.
Ky vendim i Kushtetueses lidhet me mosmarrëveshjen institucionale mes presidentit Ilir Meta dhe kryeministrit Edi Rama, ku ky i fundit e dërgoi çështjen në Kushtetuese.
Gjykata Kushtetuese ka vendosur të pranojë pjesërisht kërkesën e kryeministrit, ndërsa ka pushuar gjykimin për kërkimin mbi zgjidhjen e mosmarrëveshjes së kompetencës ndërmjet Kryeministrit dhe Presidentit të Republikës së Shqipërisë.
Në vendim e plotë, Gjykata thekson se kompetencat për emërimin dhe shkarkimin e ministrit ndahen ndërmjet tre organeve, Kryeministrit, Presidentit dhe Kuvendit.
