Suzana Paljevic, TEZJA E Lusinda Garunjës, vajzës që humbi jetën një natë më parë, kur festonte edhe ditëlidnjen, ka përlotur rrjetin. Përmes një statusi në Facebook, ajo ka publikuar dy foto të Lusindës dhe krah tyre shkruan se është me zemër të thyer nga kjo tragjedi.
“Ylli tezes dje ta uroj tezja ditelindjen; sot ja ke coptuar zemren tezes; ylli tezes do te mbetesh gjithmon ne zemren time; sot shkove ne boten tjeter o engjell i bukur qofsh lule ne xhehnet,”– shkruan ajo.
Aksidenti ndodhi dje mbrëma, ku në dalje të Tunelit të Kërrabës në Elbasan, dy vajzat ngelën të bllokuara në makinë, dhe u desh ndërhyrja e zjarrfikëses me mjetet prerëse për të nxjerrë vajzat nga mjeti i dëmtuar. Më shumë se 30 minuta, kaluan dy vajzat në makinë, ndërsa Lusinda Garunja e Xhaneta Qallia humbën jetën në spitalin e Elbasanit. Shkaku kryesor i aksidentit tragjik dyshohet se ka qenë shpejtësia tej normave dhe gjendja e dehur e shoferit të “Benzit”.
Behar Pema, 58 vjeç pas dy testeve të alkoolit kanë dalë mbi normën 0.93 mg/l testi i parë dhe 0.99 mg/ l testi i dytë. I cilësuar si përgjegjës për tragjedinë ai është arrestuar nga policia dhe do të përballet me ligjin për dy akuza. E para, “Shkelja e rregullave të qarkullimit rrugor” dhe e dyta “Drejtimi i mjetit në mënyrë të parregullt” që solli edhe vdekjen e dy të rejave dhe plagosjen e rëndë të dy të tjerave.
