Ylli i Formula 1, rezulton pozitiv me koronavirus për të dytën herë!
Piloti meksikan i ekipit Racing Point në Formula 1, Sergio Perez, për herë të dytë rezultoi pozitiv ndaj koronavirusit.
Në deklaratën e bërë nga Formula 1, thuhet se testi i Perez, para garës së pestë në Britaninë e Madhe, ka rezultuar pozitiv.
Ashtu si në garën e kaluar edhe në këtë garë në vend të Perez, do të garojë gjermani Nico Hulkenberg.
Testi i Perez edhe muajin e kaluar rezultoi pozitiv dhe për këtë shkak nuk arriti të garojë në etapën e 4 në Britani.
Gara e 5 e sezonit do të zhvillohet në Britani, më 9 gusht të dielën.
