Xhelozia është frika nga humbja e partnerit dhe zemërimi se partneri është i interesuar për dikë tjetër përveç jush. Kjo është një ndjenjë e komplikuar dhe nuk është e lehtë të deshifrohet. A lidhet xhelozia me dashurinë apo është një ndjenjë që na shoqëron jo vetëm në marëdhënien tonë?
Xhelozia shpesh vepron si një ndjesi rreziku që vjen nga prania e dikujt të cilin e shohim si rival. Kjo na shtyn të bëjmë gjeste të teruara dhe impulsive. Sidoqoftë, xhelozia jo gjithmonë lind nga një ngjarje e vërtetë por shpesh vjen nga imagjinata jonë apo më tepër nga frikrat tona.
Përse bëhemi xhelozë?
Xhelozia lidhet kryesisht me ndjesinë posesive që kemi ndaj dikujt. Ndjejmë se partneri është ekskluzivisht i yni, ndaj bëhemi territorial e ndonjëherë edhe agresiv. Kjo është një ide e gabuar sepse askush nuk na përket neve ashtu si edhe ne nuk i përkasim askujt.
Sigmund Freud, babai i psikoanalizës, gjurmon xhelozinë që në fëmijëri. Kur të gjithë dëshirojmë të duhemi ekskluzivisht nga prindërit tanë dhe me ardhjen e një vëllai apo motre të vogël kemi frikë ta humbasim vëmendjen. Kështu që filllojmë të ndihemi të lënë pas dore ose të braktisur.
Karakteristikat e një personi xheloz
- Një person xheloz frikësohet nga humbja e asaj që konsiderohet e vetja
- Ka frikë nga braktisja
- Xhelozon ndaj një personi të tretë që konsiderohet “i rrezikshëm” për marëdhënien e tij/saj
- Ka prirje për të nënshtruar partnerin
- Nuk ka besim ndaj të tjerëve dhe shpesh paragjykon
- Ka mungesë të lartë vetëvlerësimi dhe kjo sjell pasiguri tek personi që xhelozon
- Dëshiron të ketë gjithçka nën kontroll
Si ta kapërceni xhelozinë?
Për të kapërcyer xhelozinë nevojitet një strategji që përmban elemente të nevojshëm për të përballuar këtë gjendje emocionale, shpesh destruktive. Sidomos në ato raste kur e kuptoni xhelozia juaj nuk ka një bazë logjike. Për stabilietin tuaj emocional dhe për shëndetin tuaj mendor është e rëndësishme të punoni me veten tuaj së pari.
Këtë situatë mund ta përmirësoni duke u fokusuar në disa elemejte të vogla por të rëndësishme. Ja cilat janë ato:
- Forconi vetëbesimin tuaj
- Kujtojini vetes pse partneri u dashurua me ju në radhë të parë
- Mendoni edhe ju për arsyet se pse e dashuroni atë
- Analizoni situatat që ju shkaktojnë xhelozi
- Përpiquni të kuptoni se nga buron xhelozia juaj dhe pse
- Flisni me qetësi me partnetin për ato situata dhe mundohuni ta shihni në aspekt më të ftohtë emocional
- Kërkoni falje nëse është e nevojshme dhe xhelozia juaj është e pajustifikueshme dhe sqaroni arsyet tuaja
- Dëgjoni arsyetimin e tij apo saj me vetpërmbajtje
- Gjeni mënyra se si mund ta rifreskoni marrëdhënien tuaj dhe ta bëni më të mirë atë
- Tregohuni të arsyeshëm me veten dhe partnerin
