Vuçiç zbulon prapaskenat e takimit në Uashington dhe sikletin që ka përjetuar: E di se çfarë presioni kishte mbi ne dhe ata! Nuk fjetëm gjithë natën pasi…
Presidenti serb Aleksandër Vuçiç zbulon prapaskenat nga takimi në Uashington, ku firmosi marrëveshjen me kryeministrin kosovar Avdullah Hoti, në praninë e presidentit Donald Trump.
Vuçiç ka treguar sikletin që ka përjetuar, pasi ka thënë se nuk kanë fjetur gjithë natën duke përgatitur çdo detaj.
“Amerikanët dhe gjermanët krijuan Kosovën, jo zviceranët, natyrisht. Unë e di se si duken bisedimet në Shtëpinë e Bardhë. E di se çfarë presioni kishte mbi ne dhe ata. Mjafton që ata të thonë – ne do të tërheqim forcat tona nga Kosova dhe ata (shqiptarët) do të bien dakord për gjithçka.
Në Uashington, mund të ulesha në dysheme, sepse e dija se për çfarë luftoja, për vendin tim. Ne nuk fjetëm natën, përgatitëm çdo detaj. Bëmë një punë të mirë për vendin. Ne ruajtëm dinjitetin e vendit dhe treguam se Serbia pas 30 vjetësh mund të respektohet në Amerikë. Ne nuk shkuam për një fitore të madhe, sepse ato janë arritur në luftë. Ne shkuam për një fitore të vogël, pasi ato arrihen në paqe”, ka thënë Vuçiç.