Vrasësi i avokatit Michalis Zafeiropoulos , Ibrahim Brahimi, ishte i gatshëm për gjithçka, ndërsa u përpoq të arratisej nga burgu i Korfuzit ku ndodhej”. Kështu shkruan një artikull i së premtes në CNN grek.
Punonjësit e burgut e dinin se kishin të bënin me një person shumë të rrezikshëm, që nuk i llogarit jetët njerëzore ndaj dhe mbanin nën mbikëqyrje çdo lëvizje të tij. Dje ata kanë vënë re mungesën e tij për disa minuta dhe pavarësisht se i dënuari u kishte thënë që ndodhej në tualet, ata kanë nisur një investigim.
Sikurse tregohet edhe në dokumentet dhe fotot e publikuara nga CNN ai kishte krijuar një skelë të improvizuar përmes së cilës duke u ngjitur kishte hapur një brimë me thika në tavanin e qelisë.
Në momentin e zbulimit të tij, Brahimi u hodh në sulm të tyre, duke i goditur me grushte. Vrasësi i avokatit nuk hezitoi që të sulmonte as zyrtarët e burgut, që ndërhynë në momentin e arratisjes.
CNN shkruan se Brahimi është një nga kriminelët më të rrezikshëm që u përfshi në vrasjen e avokatit grek.
