Një 19-vjeçar nga Vlora është arrestuar pas plagosjes me thikë të dy personave, një 39-vjeçar dhe një 23-vjeçar, gjatë një konflikti për motive të dobëta.
Ngjarja ndodhi sot rreth orës 04:00 në lagjen “1 Maji”, jashtë një club-i. Të plagosurit ndodhen në spital, jashtë rrezikut për jetën. Përveç autorit të dyshuar, një 17-vjeçar është proceduar penalisht për bashkëpunim në konfliktin fizik.
Policia ka sekuestruar thikën e përdorur në krim dhe ka dërguar materialet në Prokurori për veprime të mëtejshme.
