Vlorë
Policia ka arrestuar në flagrancë shtetasin R. B., 34 vjeç, banues në fshatin Picar, Selenicë, pasi nga kontrolli i ushtruar në banesën e tij, shërbimet policore kanë evidentuar disa bimë narkotike të dyshuara canabis sativa, si dhe një armë gjahu e cila rezulton pa lejen e organeve kompetente.
Policia ka arrestuar në flagrancë shtetasit A. R., 56 vjeç dhe A. R., 21 vjeç me banim në Tiranë.
Këta shtetas janë kapur dhe arrestuar në Radhimë, pasi në konflikt e sipër me njëri-tjetrin, 21 vjeçari i ka thyer xhamat e automjetit babait të tij 56 vjeçar, për motive të dobëta.
Në orët e mesnatës, në fshatin Mazhar të Selenicës, në një pemë pranë banesës dyshohet se ka varur veten 85 vjeçarja Z.L.
Nga kqyrja trupore nuk vërehen shenja apo dëmtime të tjera përveç asaj të shkaktuar nga litari. Dyshohet se kjo shtetase është vetëvarur.
Grupi hetimor po kryen veprimet e mëtejshme proceduriale.
