30 plumba në bark, Forcat Speciale RENEA zbarkojnë në Vlorë, në kërkim të ekzekutorëve të Shkëlzen Velajt (PISTAT KRYESORE)
Forcat Speciale RENEA janë nisur sot drejt Vlorës, pas ekzekutimit të Shkëlzen Velajt mbrëmjen e djeshme në qytetin bregdetar. Mbi 30 vjeçarin është shkrehur një karikator kallashnikovi, duke i shkaktuar vdekjen e menjëhershme, shkruan newsbomb.al.
Policia ka gjetur mjetin e krimit, një “BMW” të djegur dhe një kallashnikov brenda saj, në zonën e Babicës, ndërsa për autorët nuk ka asnjë informacion. Për ti ardhur në ndihmë Policisë së Vlorës, atje janë nisur dhe forcat RENEA.
10 persona janë shoqëruar në Policia pas ngjarjes, ndërsa 4-5 prej tyre janë mbajtur në Komisariat, si persona që mund të kenë dijeni apo kanë pasur konflikte me 35 vjeçarin Shkëlzen Velaj. Kanë qenë familjarët ata që e kanë gjetur të pajesë të riun në derën e shtëpisë, të bërë “shoshë” nga plumbat, pjesa më e madhe e të cilëve në bark.
Viktima, 35 vjeçari Shkëlzen Velaj ishte vëllai i Ardi Velajt, shkruan newsbomb.al. Ky i fundit është vrarë më 7 prill të 2015-ës, në lagjen “Çole” të qytetit të Vlorës në atë që sot quhet masakra e Çoles. Të vdekur gjithashtu mbetën dhe Hasan Rakipi Albi Limaj.
Dy pistat kryesore ku po heton Policia e Vlorës pas vrasjes, janë hakmarrja dhe përfshirja e mundshme e 35 vjeçarit në trafikun e drogës.
