Dalin pamjet/ Edison Begaj qëllohet nga një person i veshur polic, tmerrohen fëmijët e 38-vjeçarit
Janë publikuar pamjet e atentatit ndaj Edison Begajt, 5 ditë më parë në Vlorë. Fax ka siguruar videon, kur një person, i veshur me uniformë policie i është afruar Begajt dhe ka qëlluar ndaj tij dy herë. E gjithë ngjarja ka ndodhur sapo Begaj kishte dalë nga makina e tij. Ndërkohë në automjet ndodheshin fëmijët e mitur të 38-vjeçarit. Menjëherë pas plagosjes autori shihet duke vrapuar në anën tjetër të banesës.
Fatmirësisht, Begaj i ka marrë plumbat në pjesën e poshtme dhe është jashtë rrezikut për jetën në spitalin e Traumës. Policia ende nuk e ka identifikuar autorin.
