Putin tregon pse nuk e ka bërë ende vaksinën kundër koronavirusit, thirrje rusëve: Është e sigurtë dhe efektive.
Presidenti i Rusisë Vladimir Putin i bën thirrje popullit të tij të vaksinohet kundër koronavirusit, ndërsa thotë se vetë nuk e ka bërë ende vaksinën.
Gjatë një konference për media, Putin i bëri thirrje rusëve të mos hezitojnë për të bërë vaksinën e quajtur “Sputnik V”, duke thënë se edhe vetë ai do ta bëjë sa më shpejt të jetë e mundur.
Putin tha se vaksinën nuk e ka bërë për shkak të moshës.
“Ekspertët e kujesit të shëndetit thonë se vaksinat janë… të destinuara për njerëz të moshave të caktuara. Njerëz në moshën time, nuk lejohen ende të kryejnë vaksinën”, tha Putin.
“Unë jam një qytetar që i bindem ligjit dhe dëgjoj gjithmonë atë që thonë eskpertët e shëndetit, ndaj vaksinën do ta bëj sa më shpejt të jetë e mundur”, vijoi ai.
“Vaskina jonë është e sigurtë dhe efektive, ndaj nuk shoh ndonjë arsye për se të mos e bëni”.
Vaksina anti-Covid-19 ruse është testuar te vullnetarët nga mosha 18 në 60-vjeç, ndaj rekomandohet vetëm për këto mosha. Por Putin është 68-vjeç.
