Dalin pamjet/ Vilma Nushi drejt Turqisë për t’u kuruar nga Covid-19, tek Infektivi mungonin aparaturat

Tashmë është zyrtarisht e konfirmuar se ‘bosja’ e Check-upit është e infektuar me Covid-19. Gjatë paradites së sotme Vilma Nushi është nisur në mënyrë urgjente drejt Turqisë nëpërmjet një charteri privat. Sipas raportimeve të Fax News, në Spitalin Infektiv, Nushi nuk ka marrë gjithë shërbimin e nevojshëm për shkak të mungesës së aparaturave.

Mësohet se Vilma Nushi kishte dalë negative në dy tampone, ndërsa mjekët thonë se e vetmja gjë që nuk mund ta bëjë Shqipëria është ECMO. Bëhet fjalë për një aparaturë e cila bën oksigjenim ekstra-korporal. Një procedurë në të cilën gjaku venoz hiqet nga trupi dhe shtyhet përmes një membrane artificiale, gjë që është e dobishme për pacientët me vështirësi të rënda kardiake ose pulmonare.

Ky është edhe rasti i parë (i zbuluar) i dërgimit të një pacienti me Covid-19 për trajtim jashtë vendit. Më herët qeveria me bindje propagandonte se në Spitalin Infektiv nuk mungon asnjë shërbim apo aparaturë për kurimin e koronavirusit. Por nisja e Vilma Nushit për në Turqi tregon qartë pasigurinë për jetën e pacientëve të shtruar në Infektiv nga Covid-19.