Një qenush, i cili tentoi të vidhte ushqimin nga kuzhina u “kap mat” nga e zonja dhe mbeti i “turpëruar”. Videoja që u bë virale në rrjet, ka shkaktuar të qeshura pa fund. Qeni, i cili nuk e vuri re që e zonja ishte aty duke e parë, tentoi të rrëmbente një tas të madh me ushqim nga kuzhina teksa u ngrit në këmbët e tij të pasme për ta arritur dhe e mbërtheu me dhëmbë.
Pasi arriti qëllimin, qenushi zbriti në tokë, vetëm për të parë që përballë tij gjendej e zonja, e cila e kapi në flagrancë. Ai mori një pamje si i zënë në faj kur dëgjoi gruan ta pyeste se çfarë po bënte aty. I mërzitur, la tasin në tokë dhe u largua.
