Ish-kryeministri Sali Berisha ka bërë parashikimin e numrit të viktimave nga pandemia e koronavirusit në Shqipëri. I ftuar në emisionin “Opinion”, Berisha tha se vetëm për 3 ditë kanë ndërruar jetë 43 persona, dhe nëse ecet me këto ritme, bilanci do të shkojë në mijëra njerëz.
PJESË NGA INTERVISTA:
Sali Berisha: Së pari dua të bëj një sqarim, këto janë vdekje të tepërta që përfshijën vdekjet nga COVID dhe të gjitha shkaqet e tjera por sot treguesi i vdekjeve të tepërta është më i besueshmi për të ndjekur trajektoren e pandemisë. Çdo vend i botës ka tregues më të saktë, lindjet dhe vdekjet. Vdekjet nga COVID janë spitalore. Basha solli dokumentat që faktonin se numri i të vdekurve nga COVID sipas kartelave ishte dy herë më i madh sesa ai që deklaronte Manastirliu.
I referohen certifikatës së firmosur nga mjeku…
Sali Berisha: Mjekët kanë qenë korrekt. Anatomia tha që Ministria po gënjen me statistikat. Mjekët e spitalit duhet mos ta pranojnë një mashtrim të tillë. Në Shefqet Ndroqi vdiqën 12 vetë dhe u dhanë vetëm 5. Treguesi më i saktë është ai i vdekjeve të tepërta. Po përdoret gjerësisht.
Çfarë ndryshon kjo?
Sali Berisha: Po marrim pak studimin e Monitor. Tregon se 6 muajt e parë në Shqipëri, vdekshmëria ishte më e ulët në vitin 2020. Pra Shqipëria u rendit e treta në botë vetëm për vdekshmërinë e së lartë. Monitor i ka marrë nga gjendje civile siç janë muaj për muaj. Pra për 6 muaj vdiqën 6049 qytetarë më shumë sesa në 5 vite të tjera mesatare të marra së bashku. Në 3 ditët e fundit ka patur 10 vdekje më shumë sesa 6 muajt e fundit. Për 3 ditët e fundit ke 43 vdekje. Deri më 31 maj ke pasur 33 vdekje. Sot ke fiks 43 vdekje nga COVID. Dua të them se me këtë revansh, do përfundojmë me të paktën 10-12 mijë vdekje. Si nuk tha njëri që faktori kryesor i përhapjes së pandemisë kanë qenë shkollat. Dje Mistotakis vetëm se pati infeksione e mbylli Athinën dhe të gjitha shkollat. Austria për të kontrolluar shkollën ndau doza vetëm për fëmijët. Shkollat janë bombat biologjike kryesore. Në vjeshtë na erdhi nga spitalet, tani nga shkollat. Pse u ul sëmundshmëria kur u mbyllën shkollat? Janë kryesore sepse janë të ngjeshura pa asnjë kusht higjenik por i mban të mbyllura.
vijon…