Ish-kryebashkiaku i Durrësit, Vangjush Dako, ka vendosur që këtë verë të kalojë pushimet në Turqi. Foto e publikuara nga JOQ, tregojnë Dakon, i cili veshur me një këmishë dhe teksa mban xhaketën në dorë, shihet brenda një prej restoranteve më të shtrenjtë në botë.
Bëhet fjalë për “Nusret”, restoranti që u bë i famshëm nga vetë kuzhinieri dhe pronari, që hedh kripën mbi mish në një mënyrë të veçantë. Ky vend, përveçse famoz për kripën, është i njohur edhe për çmimet e kripura që paguhen aty për një biftek apo një darkë.
Pjata më e shtrenjtë që mund të konsumosh në këtë restorant është një biftek i mbuluar me ar që kushton rreth 1300 dollarë. Por kjo gjë siç duket, edhe pse Shqipëria po kalon një krizë të thellë për shkak të pandemisë së Covid-19, për Dakon nuk është problem.
Brunja që shihet krah Dakos, mendohet se është vajza e ish-kryebashkiakut. Më herët, ky restorant është frekuentuar edhe nga ministri Gent Cakaj.
