Urim dhe mesazh nga mësuese Juliana Dine në ditën e parë të shkollës

Të dashur nxënës dhe mësues ! Ju uroj suksese në vitin shkollor 2021-2022.
Sot dua t’iu drejtohem mësuesve por dhe vetes time: mësues mos i pyesni nxënësit ku punojnë prindërit, sepse dija është vyrtyti më i lartë i jetës, Nëse i gjykojmë fëmijët, nuk kemi kohë t’i duam ata.”
Folu butësisht! Tregoji mirësinë në fytyrën e dijes, në sy jepi llambën e ndriçimit që të çelë buzëqeshjen e jetës në ngrohtësinë e buzëqeshjes tënde, mos i dhuro vetëm kujdesin por edhe zemrën që të mos bjenë në kurthin e botës mizore, por të jenë fuqi e vlerave të veta në këtë botë.
Sot jam shumë e impresionuar pavarësishtë se kam 19 vjet në arsim me edukimin e fëmijëve. Ndryshimi nga vitet e tiera është se këtë vit do të jem arsimtare dhe nënë e një djali që vjen për herë të parë në bankat shkollore.
Përzemërsisht ju uroj mirëseardhjen të gjithë fëmijëve që shkojnë për herë të parë në bankat e shkollës.
Me këtë rast dua t’ju them të gjithëve mësuesve t’i trajtojnë fëmijët me dashuri. Ne jemi përpara fëmijëve dhe të gjithë dorëzohemi para tyre. Jemi një e shkuar pa të ardhme pa ta, dhe kujt i ngjajmë ne pa femijët !? Vetëm asaj lules që e ka kaluar fazën e bukurisë dhe tani i kanë ngelur vetëm gjethet e vyshkura që i bien çdo ditë, prandaj paragjykimet dhe gjykimet ti lemë në një botë pa vlera. Jeta janë vetëm lulet e reja që çelin dhe ne me mendjen e ndritur e të arsimuar duhet t’i vadisim që ato të rriten dhe të lulëzojnë me bukurinë që nuk ka masë, me gëzimin dhe ndjenjat e botes feminore, për të parë një të ardhme më të ndriçuar për atdheun tonë.