Mbahet mbledhja e pare organizative per Degen e UGSH ne SHBA
New York me 10 Prill 2021
Me 10 prill 2021 në New York u zhvillua takimi i parë organizativ i deges se UGSH, i cili ka konsistuar më shumë në gjithëpërfshirjen dhe zgjerimin e këtij bashkimi, për të mos lënë jashtë asnjë nga kolegët që dëshirojnë, të cilët me punën e tyre të çmuar, të bëhen pjesë e këtij bashkimi, pasi janë ata që pasqyrojnë prej kohësh arritjet, zhvillimin, problematikat dhe aktivitetin e komunitetit shqiptar, duke mos harruar asnjëherë atdheun dhe duke qenë një nga kritikët më të drejtpërdrejtë të zhvillimeve ekonomike e politike në Shqipëri në mënyre të paanshme e të drejtpërdrejtë.
Drejtuesi i Grupit Nismëtar gazetari dhe fotoreporteri i njohur Dritan Haxhia i njohu te pranishmit me nismen dhe kembenguljen e hershme per krijimin e kesaj dege te organizates me te madhe te gazetareve ne Shqiperi si dhe me projektin perbashkues te te gjithe gazetareve shqiptare qe jetojne dhe punojne ne SHBA.
Kordinatorja e UGSH-së për Amerikën me qendër në New York gazetarja Elona Paja , informoi të pranishmit se:
“kësaj dege i janë bashkuar gazetarë që kanë punuar në media, jo vetëm nga New York-u, por edhe në Boston, Miçigan, Çikago, Florida, Texas, deri ne Toronto ne Kanada, e kudo ku ata ndodhen sot. Ky takim i parë mori një mesazh urimi dhe mbështetjeje nga zyra qendrore e Unionit të Gazetarëve Shqiptarë, në Tiranë.
Së shpejti do të zhvillohet mbledhja e zgjeruar themeluese, prej se ciles do të zgjidhet dhe bordi drejtues i UGSH-së për Amerikën me qendër në New York.
Zyra e Informimit
Unioni i Gazetareve Shqiptare
