Ministri i Drejtësisë Ulsi Manja, thotë se rruga kundër korrupsionit nga drejtësia dhe qeveria socialiste është në rrugën e duhur.
Në Konferencën e Parë Kombëtare Antikorrupsionit, Manja Reforma në Drejtësi është tashmë në fazën e konsolidimit, pasi faza e parë sipas tij është përfunduar me sukses.
Sipas Ministrit, SPAK dhe BKH, kanë dhënë rezultate të prekshme tashmë në goditjen e korrupsionit në nivele të larta.
Manja thotë se lufta kundër korrupsionit, nuk do të kishte qenë e mundur nëse qeveria nuk do t’i kushtonte një rëndësi të veçantë.
“Jemi këtu falë vullnetit tonë politik të palëkundur. Por dhe me mbështetjen e SHBA-ve. Reforma në Drejtësi pas 6 vitesh, konstatoj se faza e parë ajo e ngritjes dhe funksionalitetit, është tashmë e përfunduar. Kemi hyrë në fazën e dytë të konsolidimit. A i kemi mekanizmat e duhur antikorrupsion? Rezultati i parë është vettingu. Sot që flasim 60 për qind e magjistratëve kanë kaluar në sitën e vettingut. Shifrat janë kokëforta, lufta kundër korrupsionit brenda këti sistemi ka qenë në rrugën e duhur. Dua të vë në dukje funksionimin e SPAK dhe BKH, kanë dhënë rezultate të prekshme në goditjen e korrupsionit në nivele të larta të korrupsionit. Kjo ishte diçka e paimagjinueshme dikur. Kjo nuk do të ishte bërë e mundur pa mbështetjen e duhur buxhetore financiare nga qeveria. 2016-2022, 104 milionë lekë pa përfshirë ato që ka dhuruar SHBA e BE. Jemi të gatshëm që të buxhetojmë shtimin e numrit të prokurorëve, drejt atij numri që do të çmohet i nevojshëm”, tha Manja.
