Ulen testimet në Itali, bien dhe infektimet, regjistrohen 491 të vdekur në 24 orë nga Covid-19.
ITALI
Ulen shifrat ditore e të infektuarve me Covid-19 në Itali. Në 24 orët e fundit në shtetin fqinj janë regjistruar 12.030 raste të reja me koronavirus në 103 mijë tamponë të realizuar. Ndërsa një ditë më parë ishin 17 938 raste të reja.
Viktimat e deklaruara janë 491, afërsisht në një nivel të përafërt me ditën e djeshme, ku ishin 484, duke e çuar në 65 011 numrin total të vdekjeve që prej nisjes së pandemisë.
Italia është shteti i parë në Europë për nga numri i viktimave nga koronavirusi. Si prej disa ditësh, Veneto është rajoni më i goditur, me 2829, më pas është Emilia Romagna më shumë se 1500 të tilla.
