Modelja Françeska Jaçe reagon për herë të parë për aksidentin, në të cilin u përfshi pak ditë më parë te rrethrrotullimi i Nartës, në Vlorë.
Përmes një mesazhi të shkurtër në “Instagram”, modelja i falënderon të gjithë për mesazhet e përzemërta.
“Zoti ju ndihmoftë! Faleminderit të gjithëve për telefonatat dhe mesazhet e përzemërta”, shkruan bukuroshja në Instastory.
Modelja dhe ish-banorja e “Big Brother”, Françeska Jaçe, është aksidentuar tek rreth rrotullimi i Nartës dy ditë më parë, teksa makina e saj luksoze tip “BMW” doli nga rruga duke u përmbysur, por fatmirësisht pa rrezik.
Ajo mori vetëm disa plagë të lehta në trup, pasi mjeti me të cilin udhëtonte është përmbysur kokëposhtë në vendin që lidh autostradën me hyrjen e qytetit bregdetar.
Si pasojë e përplasjes, automjeti ka pësuar dëme materiale. Françeska Jaçe është ndihmuar nga kalimtarë të rastit për të dalë jashtë makinës së përmbysur.
![foto galeri](https://www.balkanweb.com/wp-content/uploads/2020/11/640-0-5fb4ea3c9f663.jpg)
![foto galeri](https://www.balkanweb.com/wp-content/uploads/2020/11/640-0-5fb4e9d0ee5c3.jpg)
![foto galeri](https://www.balkanweb.com/wp-content/uploads/2020/11/640-0-5fb4e9d0c281f.jpg)