Turizmi në Shqipëri hapet në Qershor!.

Turizmi është sektori që ka peshëm më të madhe në ekonominë e Shqipërisë. Organizata Botërore e Turizmit e rendit vendin në pozicionin e 30 në botë sa i përket të ardhurave që grumbullohen nga ky sektor, i cili gjeneron 22% të vendeve të punës. Ndaj Shqipëria vlerësohet si një nga shtetet që do ta ndiejë më shumë krizën e pandemisë. Institucionet financiare ndërkombëtare janë shprehur pesimiste për ekonominë në të ardhmen.
FMN dhe Bankës Botëror kanë parashikuar rënie me 5% të rritjes ekonomike , ndërsa Banka Europiane për Rindërtim dhe Zhvillim ka një shifër edhe më negative, 9%.  Sipas raportit të fundit të BERZH, “ekonomia e Shqipërisë ka të ngjarë që të goditet fort nga epidemia, për shkak të varësisë së saj të lartë nga turizmi.
Nëse nuk do të ketë fluks të qëndrueshëm nga të ardhurat nga turizmi, shumë shtete mund të përballen me efekte të rënda në ekonomi. Duke patur parasysh se Shqipëria nuk ka ende një strategji të qartë sesi do të zhvillohet sezoni turistik, humbjet pritet të jenë edhe më të rënda.
Në Shqipëri, turizmi pritet të hapët në qershor. Agjensitë që operojnë në këtë sektor kanë kërkuar vazhdimisht hapjen e kufijve dhe fillimin e aktivitetit, në të kundërt pasojat për sektorin do të jenë shumë të rënda.
Përsa i përket efekteve në ekonominë globale, evidentohet se në gjithë botën, rreth 330 milionë vende pune mbështeten nga turizmi, dhe ai kontribuon në 10% të Prodhimit të Brendshëm Bruto çdo vit.
Në mbarë botën, 44 shtete varen nga industria e turizmit dhe udhëtimeve. Gjithashtu siguron 15% të punësimit total. Shtetet që do të vuajnë dëmin më të madh ekonomik janë vendet ishullore. ( Shkruar nga revista Monitor).