Nga Vladimir Muçaj
Turistët nga Torino mbrrijnë të parët në Gjirokastër.
“Paçi këmbën e mbarë!”, urojnë gjirokastritët turistët italianë që shkelën të parët në qytetin gurtë të UNESCO-s për 2023-shin.
Të parët turistë që vizituan Gjirokastrën në ditën e parë të vitit 2023 ishte një grup prej 25 turistë nga Torino e Italisë.
Grupi i turistëve, në përbërje të të cilit kishte sipërmarrës, pedagogë, juristë, mjekë, etj., të shoqëruar nga emigranti shqiptar Dr. Benko Gjata qëndruan tri ditë në qyterin e UNESCO-s duke shijuar disa nga destinacionet e tij më tërheqëse. Turistët e parë për këtë vit të ri, përveç destinacioneve të njohura muzeale dhe kështjelles mesjetare në zonën historike, vizituan edhe disa pika turistike në Lunxhëri dhe Antigone. Grupi vizitoi Parkun Arkeologjik Kombëtar të Antiginesë dhe shijuan një drekë tradicionale në mjediset e familjes Qendro në fshatin Asim Zeneli të njësisë administrative Antigone.
Konsulli i Nderit i Republikës Italiane në Gjirokastë zoti Teodor Bilushi takoi grupin e turistëve italianë dhe i uroi mirseardhjen. “Gjirokastra është një destinacion turistik interesant dhe përditë po bëhet më tërheqëse për turistët dhe vizitorët italianë. Gjirokastra të josh me ofertën e saj fantastike turistike, me bujarinë e njerësve, me historinë, me monumentet e kulturës dhe natyrës, me traditat e gatimit, e gjithçka tjetër”, u tha këtyre vizitorëve të parë konsulli Teodor Bilushi.
Kudo ku shkelën turistë e parë morrë falenderime nga punonjësit e shërbmit, administratorët dhe operatorët turistik falenderime të shoqëruara me urimin: “Paçi këmbën e mbarë!
