Tragjike në Gjermani/ Babai vret dy fëmijët dhe më pas veten, gruaja në gjendje të rëndë në spital.
Një ngjarje e rëndë ka nodhur në Gjermani, ku një burrë dyshohet se ka vrarë dy djemtë e tij të moshës 1 dhe 13 vjeç.
Më pas autori ka qëlluar me armë zjarri edhe gruan e tij, e cila ndodhet në spital në gjendje kritike për jetën, ndërsa në fund ka vrarë veten.
“Të 4 anëtarët e familjes janë gjetur në shtëpi me plagë të shkaktuara nga arma e zjarrit. Pavarësisht se kanë mbërritur menjëherë, shërbimet e urgjencës nuk kanë mundur t’i shpëtojnë fëmijët, ndërsa 44 vjeçari ka ndërruar jetë pak më vonë. Vetëm gruaja 38 vjeç është dërguar në spital me plagë të rënda”, shkruajnë mediat gjermane.
