Policia Rrugore e Tiranës ka vijuar kontrollet intensive me dronë dhe kamera për evidentimin dhe ndëshkimin e shkeljeve që cenojnë sigurinë rrugore dhe që pengojnë lëvizjen.
Gjatë kontrollit janë arrestuar dhe proceduar 30 drejtues automjetesh dhe janë pezulluar 22 leje drejtimi.https://www.youtube.com/embed/6LUB8pjOItg?feature=oembed
Njoftim i Policisë:
Vijojnë kontrolle intensive me dronë, radarë dhe kamera, si dhe me prani të shtuar të shërbimeve të Policisë Rrugore, për evidentimin dhe ndëshkimin e shkeljeve që cenojnë sigurinë rrugore dhe që pengojnë lëvizjen.
Gjatë javës së fundit:
30 drejtues automjeti të arrestuar/proceduar për vepra penale në fushën e qarkullimit rrugor;
20 automjete janë tërhequr me mjet ngritës, pasi ishin parkuar në korsitë e autobusëve, taksive ose biçikletave;
22 leje drejtimi të pezulluara për shkelje të rënda të Kodit Rrugor.
Policia Rrugore vijon kontrollet pa ndërprerje, në të gjitha akset dhe zonat urbane, me zero tolerancë ndaj çdo shkeljeje që cenon sigurinë rrugore dhe rrezikon jetën e përdoruesve të rrugës.
Policia Rrugore e Tiranës apelon sërish për të gjithë drejtuesit e mjeteve, që të respektojnë me rigorozitet rregullat e qarkullimit rrugor, si një domosdoshmëri për garantimin e sigurisë në rrugë dhe për mbrojtjen e jetës.
#Një shkelje rrugore mund të kushtojë një jetë.
#Siguria rrugore, kontribut i secilit!
