Lokali i mbushur plot me njerëz, mes të plagosurve edhe kamarieri 19 vjeç, ka marrë plumb në shpatull.
Detaje të reja kanë dalë nga ngjarja e rëndë pasditen e sotme në Bar fokus në zonën e Don Boskos, ku mbeti i vdekur 35 vjecari Erion Cela dhe u plagisën 4 të tjerë. Mësohet se në momentin ku autorët qëlluan në drejtim të viktimës dhe të plagosurve, lokali ka qenë i mbushur me qytetarë të tjerë, por fatmirësisht asnjëri prej tyre nuk ka mbetur i lënduar.
Mes të plagosurve ëstë edhe kamarieri 19 vjeçar Azbi Selimaj, i cili ka qenë duke shërbyer. Ai ndodhet në spital duke marrë trajtimin e duhur mjekësor pasi një plumb e ka kapur në shpatull. Në spital gjithashu ndodhen edhe të plagosurit e tjerë, ku më rëndë paraqitet gjendja e Blerim Çelës, vëllait të viktimës, i cili ka marrë dëmtime në fytyrë.
Ndërkohë ende nuk ka asnjë gjurmë nga autorët të cilët u larguan nnë drejtim të Laprakës me një mjet tip Mercedez Benz. Policia ka ngritur pika kontrolli në hyrje dalje të Tiranës dhe po punon për kapjen e tyre.
