Nga Adrian Rakipi ( Athinë)
TI BIESH GJOKSIT ME GRUSHT APO TË FLASIN TË TJERËT PËR TY ?
Të flasësh për veten më mirë do të ishte të flasësh me vepra . Për këtë arsye kaq të thjeshtë miqtë dhe shokët duke vlerësuar kohën e tyre do jenë mirënjohës për të rejat e tua dhe të ndodhur diku tjetër , do të flasin për ty . Lexohet e thjeshtë por e vërteta ka shumë strategji e cila të bën si individ të ndjehesh krenar dhe të kesh forcën të administrosh situata duke afruar besim dhe pozitivitet .
Ne si komb jemi shpërthyes e me temperament kërkues shoqëruar me vendosmëri të skajshme e cila na karakterizon . Pasqyra jonë janë edhe politikanët ( siç kemi kokën , ashtu të vëmë dhe festen ) të cilët ‘’predikojnë’’ që mendojnë ndryshe por janë , ne .
Por a ndihmon e gjithë kjo strukturë të bindi vëndet që janë rreth nesh (gjitonët) por edhe ndërkombëtarët , të flasin pozitivisht e të na mbështesin në koridoret e lobimeve të tyre për ne . E them këtë sepse nuk dëgjohemi kur flasim për vete( i biem gjoksit me dorë ) por kur të tjerët japin kohën e tyre duke folur për ne . Pikërisht kjo është esenca që ne duhet të punojmë fort me modesti për ta nxjerrë jashtë vetes , pecjellë pozitivisht tek ndërkombëtarët .
Duke e përmëndur edhe me siper tek strategjia e individit , ne , si komb por edhe politika jonë duhet thelluar në këtë hapësirë strategjike për të triumfuar jashtë kufijve tanë ,duke ndërtuar projekte afatshkurte dhe afatgjate për realizimin e kësaj ëndrre .
Më konkretisht
Në prezantim duhet të lësh një përshtypje pozitive tek njerëzit ,duke u treguar modest dhe i paharrushëm e më pas të krijosh lidhje me të tjerët të cilët do të duan të flisnin për të rejat e tua.
Prania të jetë pozitive dhe e matur duke i afruar të tjerëve ndjesinë e mirë dhe respektin por dhe cfarë i afron për të ardhmen .
Tregohuni ndaj tyre që interesat janë reciproke . I dëgjoni me kujdes . Ata vlerësojnë këtë interes që përcillni , kujtojnë ndjesitë që kanë marë dhe e përmëndin atë.
Duke qënë vetvetja dhe njohës i kërkesave të tua ndjehesh rehat me veten , por edhe të tjerët me ty.
Trego vlera duke mos u prezantuar si ‘’pranues i gjithçkaje’’në bisedë. Ofro humor , njohuri interesante , energji pozitive , prespektivën duke sjellë gëzim dhe frymëzim tek të interesuarit .
Me etikën ndërtojmë reputacionin , imazhin shoqëror , besimin për planet afatgjate për bashkëpunime reciproke .
Të kemi aftësinë për angazhime në diskutime interesi pa qënë gjykues në dialogje. Κy hap të tregon të veçantë dhe tërheqës .
Të kemi ndikim pozitiv në bisedë duke paraqitur optimizëm .
Të jemi mëndjehapur ndaj ideve dhe mundësive të reja që na krijojnë bashkëpunim .
Të jemi krijues në propozimet , problematikat , sfidat që na presin .
Bujaria dhe mirësia (si pjesë e karakteristikës tonë) nëpërmjet dhuratave na bëjnë të veçantë dhe të paharrushëm .
Të japim mbështetjen me ndihmën tonë (sa mundemi ), duke ndarë përvojat pozitive .
Ti ftosh ata në arritjet dhe sukseset e tua duke treguar interes që të jesh edhe ti pjesë e ftesës së tyre në arritjet dhe sukseset që kanë përfunduar .
Me shpresën për të fituar hori[D1] zontet ndërkombëtare , kjo rrugë kërkon krijime idesh dhe durim por efekti i marrë do jetë e do punojë për ditët tona më të mira , ditët shqiptare.
