Sipas të dhënave financiare, rezulton se çdo vit, RTSH-ja, i drejtuar prej Thoma Gëllçit, ish kryeredaktorit të gazetës “Zeri i Popullit” ish organ i Partisë Komuniste, të konvertuar në Socialiste, harxhon miliarda lekë për karburant, dieta e honorare, madje janë aq shumë se arrijnë buxhetin vjetor total të 6 bashkive me 20-30 mijë banorë.
Kështu shkruan “Pamfleti” në një publikim lidhur me shpenzimet që ka bërë institucioni më i madh mediatik i vendit që financohet 100% me paratë e taksapaguesve të vendit më të varfër të kontinentit europian, që më tej vijon:
“Të dhënat e shpenzimeve të RTSH për vitin 2019; tregojnë se ndërsa të ardhurat në shumë zëra, janë realizuar në në masën 48%-52%; vetëm 3 zëra janë realizuar në masën 99% të planifkimit: konsum karburanti, dieta e honorare.
Gjatë vitit 2019, RTSH ka blerë dhe konsumuar totalisht, vlerën 64 milionë e 785 mijë lekë të reja karburant, pa TVSH.
Ka shpenzuar për udhëtime e dieta për interesa pune të RTSH, vlerën 86 milionë e 498 mijë lekë të reja pa TVSH.
Ka paguar për honorare dhe pritje-përcjellje për interesat e akvitetit të RTSH; vlerën 60 milionë e 811 mijë lekë pa TVSH.
Kujtojmë, se RTSH është media që financohet 100% nga shteti; përveç mesatarisht 300 milionë lekë të reja çdo vit, të ardhura nga të drejtat që i ka dhënë shteti e reklamat; e përveç taksës së televizorit 100-200-500 lekë pa TVSH për familarët e bizneset sipas llojit, deri tek 100 lekë/dhoma në muaj për hotelet.”
