Nga; Azgan Haklaj
Nuk ka asgjë më rutinë, besdisje deri në neveritje ndoshta dhe për idhtarët e mbetur sesa retorika e veprimet sistematike “opozitare” të dyshes së shpërfytyruar e tashmë botërisht të dizenjuar si të korruptuar Berisha-Meta. Njëri nga tavani i pallatit e tjetri nga tavanet e kodrave prej kohësh me fjalor të vrazhdë e jashtë mode ulurijnë përditë me strategjinë e njëjtë të mashtrimit e karikimit të atyre pak ndjekësve që u shkojnë pas. Edhe larmia e rrjeteve sociale dhe e teknologjisë dixhitale ju është kthyer në boumerang total. Nga ana tjetër Edi Rama përballë kësaj opozite të inskenuar me regjinë e tij vijon me intensitet të çmendur të shënojë rekorde korrupsioni e zhvatje pa u shqetësuar aspak. Vjedhje në dogana e tatime, vjedhje në rrugë, aeroporte, hekurudha, kontrabandë e ndarje të paurisë publike me oligarkët. Kjo është tabloja e qeverisjes. 10-të minuta javore protestë përballë Erion Velisë jo vetëm që nuk përfaqësojnë vokacion serioz opozitar por nuk janë gjë tjetër veçse kohë për faktorizimin e proklamimin e 2-3 zarëve të Ilir Metes:Balliu-Këlliçi e Blushi!
E jo vetëm kaq por me të “riatdhesuarit” parlamentarë të tipit Bardhi-Gjekmarkaj & co. pritet që Edi Rama këtë fund mandati parlamentar të aprovojë me koncensus ligje korruptive të zhvatjes së metejme të ekonomisë nacionale. Kryeoratorët e “opozitës” në ngujim e hetim kombëtar e ndërkombëtar Berisha-Meta nuk kanë më kauza reale dhe as aksione politike por veçse fyrje e vrerë për prokurorë të SPAK- ut e gjyqtarë të GJKKO- së. Harruan “revolucionin” e qeverinë e përkohëshme, harruan Ballukun dosën e korrupsionit që përditë vjedh haptas në ç’do veprim prukurues publik me miliarda lekë. Qytetari dixhital i Sali Berishës është kthyer në shurdh memec per revoltën e qytetarëve të Krujës e Fushë- Krujës që privohen çmendurisht me anashkalim të rrugës nacionale nga koncesionari i Ballukut. E kjo jo për harresë por për hipokrizi, pasi nga ballkoni i kullës së tij pisket Berisha e në lartësitë e kullës tjetër ka zyrat e tij. Se këta edhe oligarkët i kanë në bashkëpronësi si aksionet në një kompani. Të vetmin rivalitet të shqipëruar me Edi Ramën kanë faktin se cili është më pak hajdut e më pak i korruptuar. As ide novative bashkëkohore opozitare, as kauza reale nuk gjen në këtë moçal që po punon ta moçalizojë e gangrenizojë të gjithë spektrin opozitar. Edhe futja në lojë e çerrave të tipit Alibej- Kullur, thupraxhi nuk paraqet asnjë risi substaciale përveç kopjimit të strategjisë puniste-ramiziste të viteve ’90-të të krijimit të formacioneve politike të kontrolluara. Ky spektër i rëndë që po atrofizon përditë shpresën e ndryshimit tashmë kërkon një përgjigje të vërtetë e konsistente opozitare. Duhet përballje “en bloc” me të gjithë establishmentin e vjetër.
Nuk ka më shpresë se mund të ketë korrigjim mes tyre. Ata janë në unitet të hapur diktuar nga frika e ndëshkimit ndaj kanë hedhur në skenë para korrupsioni, media të blera, individë karrieristë e analistë servilë e të sponsorizuar pse jo dhe miq sporadikë ndërkombëtarë të investuar. E vetmja fuqi përballje është Harku Euroatlantik. Kjo përballje duhet të njohë aksionin e saj më të madh duke thirrur masivisht jo vetëm konservatorët por gjithë shqiptarët që po shohin vendin e tyre, shpresat e ekonominë e tyre në prag të rrënimit. Nuk ka njeri në këtë vend sot që mendon akoma se era e ndryshimit mund të vijë nga uluritjet e njëjta të Berishës nën çati apo nga 5 prioritetet qesharake të Ilir Metës që i var si menu restorantesh në plazhet e Jalës apo kodrat e Bubçit. Harku Euro-Atlantik është realitet i materializuar, me program të qartë, të strukturuar dhe të adaptuar me potencialet ekonomike kombëtare.
Ai zotëron në ç’do skaj të vendit struktura aktive, të qëndrueshme e të vendosura për të finalizuar betejën tonë poltike. Shqiptarët sot janë të velur nga mashtrimi, gjuha e forcës së rreme verbale, sharjet e fyerjet, kafshimet e puthjet hipokrite të trekëndëshit brinjëthyer politik që po mban peng Shqipërinë, degradon pluralizmin dhe burgos demokracinë. Ata duan alternativë reale të mbështetur në ekspertizë euroatlantike dhe ky është edhe misioni emergjent historik i Harkut Opozitar Euro Atlantik. Në kohë krizash e dhimbjesh të mëdha kërkohen misionarë. E nuk ka mision më të shenjtë sot që ti prish aksionit të përparimi e lirisë kur po ato janë në prag të agonisë nga “luftëtarët” e rremë të opozitarizmit dhe drejtuesit e autokracisë.
