Dita e kujtesës së viktimave të Holokaustit, Balla: Të vendosur për të luftuar antisemitizmin
Kryetari i Grupit Parlamentar të Partisë Socialiste Taulant Balla ka përkujtuar ditën e viktimave të Holokaustit.
Përmes një postimi në rrjetin social facebook Balla deklaron se Shqipëria dhe populli shqiptar përgjatë shekujve ka dëshmuar virtyte të tolerancës fetare dhe etnike unike në botë. Miratimi i përkufizimit mbi antisemitizmin, të përcaktuar nga Aleanca ndërkombëtare për përkujtimin e Holokaustit (IHRA) nga Parlamenti i Shqipërisë më 22 tetor 2020, përforcon qëndrimin për të kundërshtuar çdo shfaqje të intolerancës dhe diskriminimit që mund të çojë në akte urrejtje dhe dhune, përfshirë dhe antisemitizmin.
Sipas Ballës mohimi i Holokaustit ashtu siç thekson edhe Rezoluta e OKB-së e miratuar vetëm pak ditë më parë përbën një veprim të dënueshëm dhe kërkon koordinim midis kombeve për ta dekurajuar fenomenin e mohimit te genocideve kudo që ndodhin.
Postimi i plotë i Taulant Ballës:
📍Sot është dita e përkujtimit të viktimave të Holokaustit dhe të rikonfirmojmë angazhimin e palëkundur për të luftuar antisemitizmin, racizmin dhe forma të tjera të intolerancës.
Vendi ynë dhe populli shqiptar përgjatë shekujve ka dëshmuar virtyte të tolerancës fetare dhe etnike unike në botë. Miratimi i përkufizimit mbi antisemitizmin, të përcaktuar nga Aleanca ndërkombëtare për përkujtimin e Holokaustit (IHRA) nga Parlamenti i Shqipërisë më 22 tetor 2020, përforcon qëndrimin për të kundërshtuar çdo shfaqje të intolerancës dhe diskriminimit që mund të çojë në akte urrejtje dhe dhune, përfshirë dhe antisemitizmin.
Mohimi i Holokaustit ashtu siç thekson edhe Rezoluta e OKB-së e miratuar vetëm pak ditë më parë përbën një veprim të dënueshëm dhe kërkon koordinim midis kombeve për ta dekurajuar fenomenin e mohimit te genocideve kudo që ndodhin.