Ngjarja e rëndë ka ndodhur në Nigeri, në gjirin e Gunesë, dhe është konfirmuar nga Ministria e Jashtme Ukrainase. Kjo e fundit, zyrtarisht njoftoi se gjashtë shtetas ukrainas që ndodheshin në bordin e kësaj anijeje me flamur Kamerun dhe me emrin “STEVIA”, janë zhdukur dhe nuk ka më asnjë gjurmë prej tyre.
Një anije me pronar shqiptar është sulmuar nga piratët dhe është rrëmbyer nga ata. Ngjarja e rëndë ka ndodhur në Nigeri, në gjirin e Gunesë, dhe është konfirmuar nga Ministria e Jashtme Ukrainase. Kjo e fundit, zyrtarisht njoftoi se gjashtë shtetas ukrainas që ndodheshin në bordin e kësaj anijeje me flamur Kamerun dhe me emrin “STEVIA”, janë zhdukur dhe nuk ka më asnjë gjurmë prej tyre.
BussinesWOLRD shkruan se , të mërkurën piratët sulmuan anijen në Gjirin e Guinesë, duke rrëmbyer tetë anëtarë të ekuipazhit, 28 milje detare përkatësisht 51.8 kilometra larg brigjeve të Nigerisë. Vajza e njërit prej marinarëve të kapur tha të shtunën se ishin gjashtë ukrainas në bordin e anijes dhe se kjo ishte një anije mallrash me pronar shqiptar.
“Po, ne jemi të vetëdijshëm për këtë situatë. Si rezultat i një sulmi pirat në anijen në brigjet e Nigerisë më 16 dhjetor, tetë anëtarë të ekuipazhit u kapën, duke përfshirë gjashtë shtetas ukrainas”, tha ajo.
Anija e mallrave “STEVIA” është në pronësi të një kompanie shqiptare. Një zëdhënës i Ministrisë së Jashtme të Ukrainës, Oleg Nikolenko, tha se siç citohet nga agjencia e lajmeve Ukrinform, pronari i anijes së anijes së mallrave STEVIA është një shqiptar, dhe për pasojë të dyja ambasadat në Nigeri, ajo e Ukrainës dhe e Shqipërisë po marrin masat e duhura që të arrihet një zgjidhje.
Gjiri i Guinesë është rajoni më aktiv ekonomik dhe i pasur me naftë i Afrikës. Aktiviteti i piratëve në rajon është rritur në vitet e fundit, duke bërë që Nigeria, Gana dhe rajone të tjera përreth të krijojnë një operacion koordinimi detar për të luftuar fenomenin. Gjithsesi nuk dihet nëse shkaku i këtij sulmi dhe rrëmbimi ka të bëjë me këtë fenomen, apo me ndonjë sulm personal ndaj kompanisë së shqiptarit që nuk është identifikuar ende.
