Sulmi ndaj Hotel Volorekës, shtyhet seanca për 3 të arrestuarit, shkak mungesa e prokurorëve
Shtyhet seanca gjyqësore për 3 të arrestuarit si autorë të dyshuar të sulmit ndaj hotel Volorekës në Pogradec.
Gjyqi është shtyrë për Ervin Kalanë, Meard Berberin dhe Anterio Kaloshin.
Shkak për shtyrjen e seancës është bërë mungesa e prokurorëve. Seanca e rradhës do të mbahet më 18 shtator.
Kaloshi gjithashtu akuzohet se është i përfshirë në masakrën e Lushnjes së bashku me Laert Haxhiun dhe Orges Bilbilin, ku mbetën të vrarë Zamir Latifi dhe Jurgen Hoxha.
Për sulmin e ndodhur ndaj hotel “Volorekës” në Pogradec janë arrestuar 7 persona, ku organizatorët e këtij sulmi kanë qenë Ilir dhe Meard Berberi, dy persona me precedent të theksuar kriminal në fushën e krimeve kundër jetës dhe pronës.
