‘𝐉𝐚 𝐜̧𝐟𝐚𝐫𝐞̈ 𝐞 𝐛𝐥𝐥𝐨𝐤𝐨𝐧 𝐤𝐨𝐫𝐨𝐧𝐚𝐯𝐢𝐫𝐮𝐬𝐢𝐧’, 𝐬𝐭𝐮𝐝𝐢𝐮𝐞𝐬𝐢𝐭 𝐞 𝐔𝐧𝐢𝐯𝐞𝐫𝐬𝐢𝐭𝐞𝐭𝐢𝐭 𝐭𝐞̈ 𝐓𝐨𝐫𝐢𝐧𝐨𝐬 𝐛𝐞̈𝐣𝐧𝐞̈ 𝐳𝐛𝐮𝐥𝐢𝐦𝐢𝐧 𝐞 𝐦𝐚𝐝𝐡
Studiuesit e Universitetit të Torinos kanë bërë një zbulim të rëndësishëm në lidhje me luftimin e koronavirusit.
Ata kanë zbuluar në trupin e njeriut një molekulë që bllokon koronavirusin dhe e kanë emërtuar si 27OHC, molekula 27-hidroksikolesterol, që është e pranishme në trupin e njeriut si një produkt fizik i metabolizmit oksidues të kolesterolit.
“Molekula 27-hidroksikolesterol (27OHC) – shpjegon një shënim nga Universiteti – është e pranishme në trupin tonë si një produkt fiziologjik i metabolizmit oksidativ të kolesterolit. Në kulturat qelizore të infektuara me Sars-Cov-2, virusi përgjegjës për Covid 19, 27OCH u gjet të ishte një frenues i fortë i replikimit viral.
Rëndësia e kësaj dëshmie shkencore nënvizohet më tej nga vëzhgimi i njëkohshëm i një rënie të dukshme në këtë molekulë me veti antivirale në gjakun e pacientëve me Covid “, thuhet në raportin e studiuesve.
Kompania Panoxyvir prej kohësh po teston aktivitetin antiviral të molekulës 27OHC, pas ka aftësinë për të bllokuar Rhinoviruset, agjetët kryesorë të të ftohurit të zakonshëm gjatë dimrit.
“Biokompatibiliteti i lartë i molekulës së zbuluar nga italianët, për shkak të origjinës fiziologjike dhe shumëllojshmërisë ekstreme të viruseve të përhapura gjerësisht në botë, frenon Covid si të ishte një antibiotik me spektër të gjerë në rastin e infeksioneve bakteriale”-u shprehën autorët e studimit.