Kryeministri Edi Rama ka mohuar se studentët janë nxjerrë jashtë ambienteve të konvikteve të Qytetit Studenti në mënyrë që ambientet të përgatiteshin për pritjen e emigrantëve afganë. Edhe pse fotot e publikuara në të gjithë mediat, treguan studentët që largoheshin të përlotur me valixhe në duar, Rama e cilëson këtë lajm si një shpifje.
Në një status në Twitter, Kreu i Qeverisë shkruan se kjo dorë që bën këto shpifje është turpri i Shqiptarisë.
“Lidhja e strehimit paraprak të afganëve që janë si ne 30 vjet më parë, me gjoja nxjerrjen e studentëve nga konviktet është fabrikimi i të drejtës së dorës që para 30 vjetësh ka vulosur ngjarje më të zeza të prodhuesit shpifjet më të ulëta në këtë vend! Ajo dorë është #TurpiiShqiptarisë,”- shkruan Rama.
Vetë kryebashkiaku Erion Veliaj ka pranuar se konviktet e QS-së janë liruar për të pritur afganët, por sipas tij studentët janë transferuar në një godinë të vetme. Por, fotot tregojnë një tjetër realitet. Vetëm një ditë më parë në të gjitha rrjetet sociale qarkulluan foto të studentëve me valixhe në duar, të cilët ishin të detyruar të braktisnin konviktet. Një prej tyre ishte edhe një vajzë e ulur në trotuar që fshinte lotët.
