Skema mafioze/ Si i vjedhin Shkëlqim Kupa, Taulant Balla dhe Kastriot Gurra paratë e Librazhdit, tenderat pa garë i merr oktapodi, plaçka ndahet më pas sipas roleve
Kastriot Gurra ushtari i Taulant Ballës i jep oktapodit Shkëlqim Kupa buxhetin e Bashkisë së Librazhdit. Paratë e vjedhura ndahen më pas sipas roleve. Skema e korrupsionit funksionon prej disa vitesh. Kupa i merr tenderat pa garë dhe pa plotësuar kritere, nuk zbaton as kontratat.
Oktapodi i tenderave korruptivë Shkëlqim Kupa, ende i pandëshkuar nga drejtësia për një sagë vjedhjesh të fondeve publike dhe ngritjen e një sistemi klietelizmi, në bashkëpunim me kunatin, drejtorë, deputetë, oligarkë, sekserë, shoferë dhe kryebashkiakë, e ka bazën e korrupsionit në Bashkinë e Librazhdit, e cila drejtohet nga Kastriot Gurra.
Në këtë bashki, funksionon dhe vepron një rreth i mbyllur korrupsioni, i cili përlan dhe më pas ndan sipas roleve buxhetin që duhej të shkonte në shërbim të qytetarëve të Librazhdit.
Si funksion skema e vjedhjeve?
Shkëlqim Kupa, ish-klient i Xhelal Mziut, me kompanitë e tij, merr pa garë tenderat kryesorë të Bashkisë së Librazhdit. Çdo tender me vlerë të madhe që shpallet në këtë bashki, është ideuar dhe planifikuar më parë, që ta marrë Kupa, në shumicën e rasteve pa plotësuar kriteret dhe me ofertë fituese aq sa fondi limit, madje mbi fondin limit, nëse llogarisim TVSH.
SPAK mund të administrojë dosjet e tenderave të viteve të fundit, ku mund të faktojë lehtësisht skemën e korrupsionit. Shkëlqim Kupa është në këtë rast dora që merr paratë në buxhet, pasi pas tij fshihen të paktën edhe dy grabitqar të fondeve publike. Kupa as xhamat e Bashkisë së Librazhdit mund t’i fshijë pa bashkëpunimin e kryebashkiakut Kastriot Gurra, i cili në fakt është përgjegjësi kryesor, pasi firmos vjedhjet flagrante me tendera.
Pyetja kryesore që lind është: A mund të vjedhin Shkëlqim Kupa dhe Kastriot Gurra paratë e Bashkisë së Libazhdit pa miratimin e Taulant Ballës?
Taulant Balla është sot personazhi më i fuqishëm politik në Librazhd dhe në të gjithë qarkun e Elbasanit. Taulant Balla, falë lidhjes me Ramën, është njeriu që e ka emëruar Kastriot Gurrën në krye të bashkisë.
Gurra është një ushtar i Taulant Ballës. Pyetja që duhet të zgjojë prokurorinë është: A mund t’i japë Kastriot Gurra paratë e bashkisë oktapodit Shkëlqim Kupa pa lejen e Ballës?
Dhe sa kushton leja e Ballës?
Nuk ka dyshim se Taulant Balla nuk do ta lejonte kurrë të vidheshin nën hundën e tij paratë e bashkisë, duke shkuar në xhepat e Shkëlqim Kupës. SPAK duhet të ndjekë rrugën e parave pasi Kastriot Gurra i kalon në llogaritë e Shkëlqim Kupës. Dy janë rrugët. Shkëlqim Kupa tërheq paratë dhe i jep tarifën Gurrës, i cili nga ana e tij çon pjesën kryesore tek Balla. Ose Kupa ka krijuar direkt lidhjen me Ballën. Por, politikanët e korruptuar zakonisht operojnë vetëm me lidhjet e vjetra dhe të besuara.
Nuk ka shumë rëndësi se si Kupa, Gurra dhe Balla ndajnë buxhetin e Bashkisë së Librazhdit. Nëse Balla nuk merr pjesën, të dalë të distancohet nga aferat e Gurrës dhe Kupës. Heshtja e tij nënkupton rrethin e mbyllur. Rëndësi ka përmasa e frikshme e vjedhjes dhe mosveprimi deri më sot i SPAK. Çdo javë në Bashkinë e Librazhdit përgatiten letra për të kaluar para në llogaritë e Shkëlqim Kupës, me tendera fiktivë. Kupa nuk zbaton as kontratat, siç bëri pyllëzimin e Lumit Lana apo me rrugën e re të Paskuqanit, e cila është shkatërruar ende pa u inauguruar. Në vijim detaje për të gjitha tenderat korruptivë që Kupa ka marrë dhe po merr në Bashkinë e Librazhdit./Pamfleti
