Një debat i fortë ka nisur në Kosovë në lidhje me një tender të zhvilluar nga Komuna e Mitrovicës, Agim Bahtiri. Më mediat sociale, kanë nisur akuzat kundër Bahtirin, duke thënë se komuna që drejton ai nëpërmjet një tenderi ka blerë 30 mijë prezervativë. Pas këtyre akzuave ka ardhur një reagim nga drejtoresha e Shëndetësisë në këtë komunë, Erseka Hasanaj Barani. Më anë të një postimi në mediat sociale, Barani ka sqaruar situatën.
Sipas saj kryetari i Komunës së Mitrovicës dhe Drejtoria për Shëndetësi ka marr masa të menjëhershme dhe ka anuluar sasinë e porositur nga njësia kërkuese, konkretisht e artikullit (prezervativ). “Kryetari menjëherë ka themeluar një komision dhe ka kthyer të gjithë artikullin tek OE dhe është bërë minusimi i asaj asaj shume, menjëherë pas pranimit të faturës. Pra, nuk është bërë asnjë pagesë e asaj fature deri më sot dhe nuk do të kryhet asnjë pagesë për atë artikull pasi që është kthyer”, shton ajo.
POSTIMI I PLOTË
SQARIM LIDHUR ME FURNIZIMET MJEKËSORE NË QKMF. Pas kërkesës nga njësia kërkuese e barnatores qendrore dhe menaxherit të kontratës për funizim me medikamente për trajtim parenteral/ampular dhe orale, si dhe material tjetër medicial i nevojshëm për funskionimin dhe ofrimin e shërbimeve ndaj pacientëve në QKMF, hyjnë edhe shërbimet parandaluese si planifikimi familjar. Për shkak të një planifikimi më afatgjatë në bazë të situatës epidemiologjike të krijuar nga virusi COVID-19, ka ardhur edhe kërkesa nga QKMF për material të nevojshëm për institucionin bazuar nga kërkesat e qytetarëve. Pas furnizimit nga OE me medikamente dhe material shpenzues, është vërejtur një lëshim teknik tek artikulli (prezervativ).
