Skandal! 18 milionë lëkë për logo plagjaturë, TKOBAP mbajti të fshehtë fituesin
Artisti i Arteve Pamore, Ardian Isufi ka denoncuar këtë të martë logon plagjiaturë të Teatrit Kombëtar të Operas dhe Baletit për të cilën ky institucion kishte parashikuar një fond mbi 18 milionë lekë të vjetra. Sipas Isufit kjo është një vjedhje, ndërsa thekson se logoja e TKOBAP është marrë në një faqe në internet pa asnjë pagesë. Sipas faxweb në faqen zyrtare të TKOBAP, nuk gjendet asnjë informacion mbi kriteret për logon dhe afatin e konkursit që duhet të përfundonte në 24 shkurt 2020. Gjithashtu, nuk bëhet me dije fituesi i konkursit, juria, apo dhe kriteret mbi të cilat është përzgjedhur. Logoja e Teatrit Kombëtar për herë të parë është vendosur në faqe në muajin dhjetor 2020. Në janar të vitit të kaluar, TKOBAP (Teatri Kombetar i Operas dhe Baletit) ka shpallur konkursin e hapur me anë të një thirrjeje publike për dizejnimin e logos së re të këtij institucioni. Lidhur me këtë denoncim të bërë nga artisti Isufi, nuk ka asnjë reagim nga Teatri Kombëtar i Operas dhe Baletit.
