Situata do të rëndohet/ Parashikimi i motit për ditën e dielë
Në orët në vijim reshjet e dëborës do të përfshijnë gjithë Shqipërinë.
Në orët e para të 24 orëshit të ditës së diel do të ketë reshje bore me intensitet mesatar e të lartë në qendër e juglindje të vendit, bën të ditur Shërbimi Meteorologjik Ushtarak.
Në mesditë dëbora do të marrë karakter lokal ndërsa në juglindje do të vijojë me intensitet të ulët.
Si shkak i rënies së mëtejshme të temperaturave do të ketë ngrica të forta në rrugë dhe akumulim dëbore në të gjitha zonat malore dhe kodrinore.
Era do të fryjë me drejtim veri-verilindje 5-15m/s. Përgjatë vijës bregdetare erë intensive. Valëzimi në dete i forcës 5-6 ballë.
Temperaturat parashikohen në:
Zonat malore -10/-3°C
Zonat e ulëta -4/0°C
Zonat bregdetare -1/2°C
